लठ्ठपणा आणि स्थूलता खरंच औषधांनी कमी करता येते का? BBC News Marathi

'मला वजन कमी करायचं आहे, पण डाएट आणि जिमचा तर कंटाळाच येतो' अशी चर्चा तुमच्या कानावर अनेकदा पडली असेल किंवा तुम्ही स्वतः वाढलेल्या वजनाविषयी कधी ना कधी विचार केला असेल. ओबेसिटी म्हणजे लठ्ठपणा ही काही देशांमध्ये तर राष्ट्रीय समस्या बनली आहे आणि वजन कमी करण्यासाठी सरकारी योजना राबवल्या जात आहेत. त्यासाठी काहीवेळा वजन घटवणाऱ्या औषधांचा वापरही केला जातो. हॉलिवूडमधले कोणते सेलिब्रिटी वजन घटवण्यासाठी असं औषध घेतात, याविषयी सोशल मीडियावर गरमागरम चर्चा रंगताना दिसते. पण ही औषधं सर्रास सर्वांसाठी नाहीत. अशा औषधांनी लठ्ठपणाची समस्या खरंच दूर होते का, याच प्रश्नाचं उत्तर आपण गोष्ट दुनियेचीमध्ये आज शोधणार आहोत. मूळ निर्मिती - द इन्क्वायरी, बीबीसी न्यूज मराठी निर्मिती - जान्हवी मुळे एडिटिंग - तिलक राज भाटिया