'बाः एक योद्धा'का दुई पोस्टरमा खुसी र तनावको झल्को

भदौ १९ गतेदेखि प्रदर्शनमा आउने फिल्म 'बाः एक योद्धा'को दुई नयाँ पोस्टर सार्वजनिक गरिएको छ। सार्वजनिक पोस्टरहरूले फिल्मको पारिवारिक कथा र त्यसमा आउने संघर्षको झल्को दिएका छन्।

एक पोस्टरमा दिव्यदेव पन्त, झरना थापा, सुहाना थापा, सागर खनाल र सुप्रज्ञा शर्मालाई खुसी परिवारका रूपमा देखाइएको छ। दोस्रो पोस्टरमा भने झरना, सुहाना, दिव्यदेव, अनिल बुढाथोकी र माओत्से गुरूङ तनावपूर्ण भावमा प्रस्तुत छन्, जसले सुखी परिवारमा आउने अप्रत्याशित घटनाको संकेत गर्छ।