राति पाँच प्रदेशका विभिन्न स्थानमा चट्याङसहित वर्षा

काठमाडौँ। कर्णाली, लुम्बिनी, गण्डकी, बागमती र कोशी प्रदेशका विभिन्न स्थानहरूमा अहिले (आइतबार राति) मेघगर्जन र चट्याङसहित हल्कादेखि मध्यम तथा केही स्थानमा भारी वर्षा भइरहेको मौसम पूर्वानुमान महाशाखाले जनाएको छ।

महाशाखाका अनुसार वर्षा गराउने बादलहरू दक्षिणतर्फ सर्दै गइरहेका छन्, जसका कारण आगामी घण्टाहरूमा थप वर्षा हुन सक्ने सम्भावना रहेकाे छ।