एनपीएल अक्सन–३ मा अनसोल्ड खेलाडीलाई सुनिता डंगोलको हौसला

काठमाडौं— काठमाडौं महानगरपालिकाकी कार्यवाहक मेयर सुनिता डंगोलले नेपाल प्रिमियर लिग (एनपीएल) अक्सन–३ मा अनसोल्ड भएका खेलाडीहरूलाई निराश नहुन आग्रह गर्दै प्रेरणादायी सन्देश दिएकी छिन् ।

सोमवार ललितपुरमा आयोजित अक्सनमा डंगोलले टोलीमा पर्न नसकेका खेलाडीहरूलाई लक्षित गर्दै भनेकी छिन्- ‘आज भएन भने अर्को अवसर अवश्य आउँछ । सपना देख्न नछोड्नु होस् । आफूमा विश्वास गर्न कहिल्यै नछोड्नु होस् । तपाईंको पनि दिन आउने छ, त्यो केवल छिट्टै वा ढिलो आउने समयको कुरा मात्र हो ।’