काठमाडौं पुगेको पाँचौं दिनमा बोहराले भेट्न पाए प्रधानमन्त्री

सुर्खेत । सुर्खेतबाट खाली खुट्टै पैदल हिँडेर काठमाडौं पुगेको पाँच दिनपछि अन्ततः सामाजिक अभियन्ता नवराज बोहराले प्रधानमन्त्री केपी शर्मा ओलीसंग भेट गरेका छन् ।

प्रधानमन्त्री निवास बालुवाटारमा आइतबार अभियन्ता बोहरा र प्रधानमन्त्री ओलीबीच भेटवार्ता भएको हो । भेटमा बोहराले कर्णालीको सुशासन, पर्यावरणीय विकास र पशु अधिकार उल्लंघन लगायत विषयमा प्रधानमन्त्रीको ध्यानाकर्षण गराएका थिए ।