देशभरका उपमहानगरमध्ये इटहरीको बेरुजु शीर्षस्थानमा, फछ्र्यौट शून्य

इटहरी । देशभरका ११ वटा उपमहानगरपालिकामध्ये इटहरीको बेरुजु शीर्षस्थानमा देखिएको छ । इटहरी उपमहानगरपालिकामा आर्थिक वर्ष २०८०–८१ मा १ अर्ब २६ करोड ९१ लाख रुपैयाँ बेरुजु देखिएको हो । महालेखा परीक्षकको कार्यालयले सार्वजनिक गरेको लेखापरीक्षण प्रतिवेदनमा आर्थिक अनुशासन र लेखा पारदर्शिताका दृष्टिले गम्भीर कमजोरीहरू औँल्याइएको हो ।

गत वर्षसम्म १ अर्ब १० करोड बेरुजु रहेको इटहरीमा यो वर्ष मात्रै १६ करोड २१ लाख रुपैयाँ बेरुजु थपिएको प्रतिवेदनमा उल्लेख छ । अघिल्ला वर्षमा देखिएको बेरुजुहरू समेत फछ्र्यौट हुन नसकेको प्रतिवेदनमा उल्लेख छ । महालेखाले यो वर्ष फछ्र्यौट गरिएको रकम शून्य देखिएको जनाएको छ ।