विराट र देवदत्तको विस्फोटक ब्याटिङ, गुजरातलाई ५ विकेटले हराउँदै आरसीबीको पाँचौँ जित

काठमाडौँ । इन्डियन प्रिमियर लिग २०२६ अन्तर्गत शुक्रबार सम्पन्न खेलमा रोयल च्यालेन्जर्स बेंगलुरुले गुजरात टाइटन्सलाई ५ विकेटले पराजित गरेको छ । २०६ रनको विशाल लक्ष्य पछ्याएको आरसीबीले १८.५ ओभरमा ५ विकेट गुमाउँदै ७ बल बाँकी छँदै जित हासिल गर्यो ।

आरसीबीको जितमा विराट कोहली र देवदत्त पडिक्कलले उत्कृष्ट पारी खेले । कोहलीले ४४ बलमा ८१ रनको योगदान दिए भने पडिक्कलले २७ बलमा ५५ रनको विस्फोटक इनिङ्स खेले । त्यस्तै, अन्त्यमा क्रुनाल पाण्ड्याले १२ बलमा अविजित २३ रन जोड्दै टोलीलाई जितसम्म पुर्‍याए । गुजरातका लागि राशिद खानले २ विकेट लिए पनि टोलीको हार टार्न सकेनन् ।