नाथम र नेपाल पर्वतीय प्रशिक्षण प्रतिष्ठान गाभिए, अब ‘नेपाल पर्यटन, होटल तथा पर्वतीय प्रतिष्ठान’

काठमाडौँ । संस्कृति, पर्यटन तथा नागरिक उड्डयन मन्त्रालय अन्तर्गतका दुई निकायहरू नेपाल पर्यटन तथा होटल व्यवस्थापन प्रतिष्ठान (नाथम) र नेपाल पर्वतीय प्रशिक्षण प्रतिष्ठान (एनएमए) एकापसमा गाभिएका छन् । दुवै संस्था गाभिएर अब ‘नेपाल पर्यटन, होटल तथा पर्वतीय प्रतिष्ठान’ बनेको छ ।

मन्त्रिपरिषद्को बैठकले एउटै प्रकृतिका दुई संस्थालाई गाभेर एउटै बनाउने निर्णय गरेसँगै यो प्रक्रिया अघि बढेको हो । कार्यप्रकृतिको समानताका कारण सेवा प्रवाहलाई थप प्रभावकारी र व्यवस्थित बनाउन सरकारले यस्तो निर्णय लिएको हो ।