जनकपुरधाममा भूमिहीनहरूको डिजिटल लगत संकलन सुरु, ७ दिने सूचना जारी

जनकपुरधाम। जनकपुरधाम उपमहानगरपालिकाले भूमिहीन दलित, भूमिहीन सुकुमबासी तथा अव्यवस्थित बसोबासीहरूको एकीकृत डिजिटल लगत संकलन तथा प्रमाणीकरण प्रक्रिया अघि बढाएको छ । उपमहानगरपालिकाले सबै वडा कार्यालयहरूलाई शुक्रबार पत्रचार गर्दै ७ दिने सार्वजनिक सूचना प्रकाशन गर्न निर्देशन दिएको छ ।

उपमहानगरपालिकाका अनुसार भूमि समस्या समाधान आयोग, ताहाचल काठमाडौँ तथा जिल्ला समिति धनुषाबाट प्राप्त पत्रका आधारमा उक्त अभियान सञ्चालन गरिएको हो । वडा नं. १ देखि २५ सम्मका सबै वडा कार्यालयहरूले तोकिएको ढाँचाअनुसार अनिवार्य रूपमा सूचना प्रकाशन गर्नुपर्ने बताएको छ ।