१० करोडको अस्पताल योजना सुस्त, ४ वर्षमा ३० प्रतिशत काम

मुगु । २०७७ सालमा देशभरका स्थानीय तहमा ५, १० र १५ शैयाका अस्पताल निर्माण गर्ने योजना अन्तर्गत कर्णाली प्रदेशका ४१ स्थानीय तहमा ४२ वटा अस्पतालको शिलान्यास गरिएको थियो । तर, मुगु जिल्लाका स्थानीय तहमा सुरु भएका अस्पतालहरुको निर्माण कार्य अझै अलपत्र अवस्थामा छन् ।

मुगुको खत्याड गाउँपालिकामा निर्माणाधीन १० शैयाको अस्पताल १८ महिनामा सम्पन्न गर्ने लक्ष्यसहित पिसिएल सुर्काय जेभीले १० करोड ६६ लाख रुपैयाँमा ठेक्का लिए पनि चार वर्षमा केवल ३० प्रतिशत भौतिक र २० प्रतिशत वित्तीय प्रगति भएको छ । दुई पटक म्याद थपिएपछि पनि काम एकदमै सुस्त छ ।