दाङको छिल्लीकोट पर्यटकको रोजाईमा

दाङ- गाउँभरि सयपत्रीको थुङ्गा जस्तै ढपक्कै फूलेको तोरी, छेउ नजिक भएर बग्ने गुहारखोला, चारैतर्फ हरिया पाखापहराले घेरेको छिल्लीकाट पुग्ने जो कसैको मन नछोला भन्न सकिन्न । यहाँबाट हेर्दा चाँदीले बेरे जस्तै हिउँले बेरेर राखेको पूर्वी धौलागिरी हेर्दा धेरैको मन लोभ्याउँछ ।

हातमा फूल र अक्षताको थाली लिएर बसेका तिर्थालु, ठाउँ-ठाउँमा नाचगान गर्न बसेका यूवा यूवती देखेर बुढापाका पनि रमाईरहेका हुन्छन् । छिल्लीकोटमा पुग्ने बालबच्चादेखि बुढापाका पनि त्यहाँको ढिडो, सिस्नो, गुन्द्रुकको अचार खाएर आनन्द लिने गर्दछन् ।