छ वर्षमा पनि बनेन पक्की पुल

डडेलधुराको परशुराम नगरपालिका–१२ मा पर्ने बुडर–जोगबुडाको खप्वाखोलाको पुल निर्माण हुन नसक्दा जोगबुडावासी निराश भएका छन् । दुई वर्षअघि नै निर्माण सम्पन्न गर्ने गरी सम्झौता भएको पक्की पुल छ वर्ष बितिसक्दा पनि नबनेपछि स्थानीय निराश भएका हुन् ।

यो पुलले डडेलधुराको करिब आधा जनसङ्ख्या रहेको भित्री मधेश जोगबुडा क्षेत्रलाई जिल्ला सदरमुकाम र अन्य जिल्लासँग जोड्ने अपेक्षा गरिएको थियो ।