अनिर्वाचितहरूले सिंहदरबारबाट शासन चलाएको झाँक्रीको आरोप

काठमाडौं । नेकपा एमालेकी सांसद रामकुमारी झाँक्रीले सुशासनको नारा दिएर आएको सरकारमा अनिर्वाचितहरूले सिंहदरबारमा शासन चलाएको आरोप लगाएकी छन्। राष्ट्रिय सभाको बैठकमा बोल्दै ब्युरोक्रेसीमा रहेका धेरै मान्छेहरूले धमाधम राजीनामा दिएको बताइन् ।

उनले भनिन्, ‘मन्त्रीहरूका पछाडि दर्जन-दर्जन सल्लाहकारहरू विशिष्ट श्रेणीका अफिसर तहको तलब र सुविधा पाउने गरी नियुक्ति गरिएको भन्ने कुराहरू आइरहेको छ यो के हो ? सुशासनको नारा दिएका मान्छेहरूले सोपानमा आधारित ब्युरोक्रेसीबाट प्रशासन पनि नचलाउने र अनिर्वाचितहरूले सिंहदरबारमा शासन गर्ने तरिका के हो ?’