गाउँ जोड्न गोरेटो बाटो

कालिकोट । पाँच वर्षअघिसम्म कालिकोटको महावै गाउँपालिका–१ डिल्लीकोटका सबै टोलमा गोरेटो बाटो मात्रै थियो । गाउँमा मोटरबाटो खन्ने लहर चल्यो मान्छे र गाईवस्तु ओहोरदोहोर गर्ने गोरेटो बाटो मासिने क्रम सुरु भयो ।

बनेका सडक विस्तार गर्दा होस् या नयाँ सडक बनाउँदा पहिलो प्रहार गोरेटो बाटो माथि भयो । थोरै भए पनि सार्वजनिक जग्गा पर्ने, पहिलैकै बाटो हुँदै सडक बनाउँदा सहज हुने भएकाले बिनास्टमेट पहिलाकै गोरेटोलाई सडकको रूप दिन थाले । अहिले सडक त बन्यो तर गोरेटाको अभावमा गाउँले जीवन कष्टकर बन्दै गइरहेको छ ।