नयाँ सार्वजनिक सवारी दर्ता रोकेर 'सुधार'को दाबी, व्यवसायीको साथ कि संशय?

नयाँ सार्वजनिक सवारीसाधनको दर्ता रोक्ने निर्णय गर्दै यातायात व्यवस्था विभागले बिहीवार सातै प्रदेशलाई समेत उक्त निर्णयको कार्यान्वयनका निम्ति परिपत्र गरेसँगै सरकारको आगामी योजना र उद्देश्यबारे बहस सुरु भएको छ।

विद्युतीयसहित कुनै पनि नयाँ सार्वजनिक साधन दर्ता नगर्ने निर्णय गरेर सरकारले यातायातको क्षेत्रमा व्यापक परिवर्तन गर्ने सङ्केत गरेसँगै खास गरी यातायात व्यवसायी र सम्बन्धित क्षेत्रका विज्ञहरू यसबारे उत्सुक देखिएका छन्।