हावाहुरीले बाजुरामा घर, गोठ र विद्यालयमा क्षति

बाजुरामा शुक्रबार राति चलेको हावाहुरीका कारण घर, गोठ, छाना तथा विद्यालयमा ठुलो क्षति भएको छ । शुक्रबार राति पानीसँगै चलेको हावाहुरीले बडीमालिकाको राप्का, बुढीगङ्गाको झाडी, देवलसैन, सिगाडा, नुवकोट तथा गौमुल गाउँपालिकाका अधिकांश स्थानीयका घरका छाना र विद्यालयका बालकक्षाको भवनमा जडान गरिएको कर्कटपाता उडाउँदा ठुलो क्षति पुगेको हो ।

बुढीगङ्गा नगरपालिका–८ देवलसैनका स्थानीय शिक्षक जगत रावलले शुक्रबार बेलुकी चलेको हावाहुरीका कारण घर तथा प्रारम्भिक बालकक्षाको भवनमा ठुलो क्षति भएको बताउनुभयो ।