सफल भारतले विश्वलाई स्थिर बनाउँछः इयु अध्यक्ष भोन डेर लेयन

युरोपेली आयोगकी अध्यक्ष उर्सुला भोन डेर लेयनले सोमबार भारतलाई एक प्रमुख विश्वव्यापी साझेदारको रूपमा स्वागत गर्दै एक सफल भारतले विश्वलाई अझ स्थिर, समृद्ध र सुरक्षित बनाउने बताउनुभएको छ । उहाँ शीर्ष युरोपेली नेताहरूको समूहसँग ७७औँ गणतन्त्र दिवस समारोहमा सहभागी हुन नयाँदिल्ली आउनुभएको हो ।

भोन डेर लेयनले गणतन्त्र दिवसको मुख्य अतिथिका रूपमा आमन्त्रित हुनु जीवनभरको सम्मान भएको बताउँदै भारत र इयुबीचको बढ्दो रणनीतिक निकटतालाई रेखाङ्कित गर्नुभयो । उहाँले सामाजिक सञ्जाल प्लेटफर्म एक्समा भन्नुभयो, “हामी सबै यसबाट लाभान्वित हुन्छौँ । भारतसँगको घनिष्ठ सम्बन्धले समुद्री सुरक्षा, साइबर सुरक्षा र आतङ्कवादविरोधी क्षेत्रमा ठोस परिणाम दिनेछ ।”