राष्ट्रिय सभामा कृषिमन्त्री चौधरीले भनिन्- धानबालीका लागि मल अभाव हुँदैन

काठमाडौँ । कृषि, वन तथा पर्यावरणमन्त्री गीता चौधरीले यस वर्षको धानबालीका लागि आवश्यक रासायनिक मल सहज रूपमा उपलब्ध हुने दाबी गरेकी छन्।

मङ्गलबार राष्ट्रिय सभा बैठकमा आफ्नो मन्त्रालयको विनियोजन शीर्षकमाथिको छलफलका क्रममा सांसदहरूले उठाएका प्रश्नको जवाफ दिँदै मन्त्री चौधरीले धान सिजनका लागि मलको पर्याप्त व्यवस्था गरिएको स्पष्ट पारेकी हुन्। उनले मलको अभाव हुन नदिन र वितरणलाई व्यवस्थित बनाउन सङ्घीय तथा प्रादेशिक मन्त्रालयहरूमा गुनासो सुनुवाइका लागि छुट्टै 'सम्पर्क व्यक्ति' को समेत व्यवस्था गरिएको जानकारी दिइन्।