कतारस्थित अमेरिकी सैन्य अड्डामाथि इरानको मिसाइल आक्रमण

काठमाडौं : कतारमा रहेको अमेरिकी सैन्या अड्डामा इरानले मिसाइल आक्रमण गरेको छ। कतारको अल उदेद एयर बेसलाई लक्षित गर्दै इरानले मिसाइल प्रहार गरेको दाबी गरेको हो।

इरानी इस्लामिक रिभोलुसनरी गार्ड कोर्प्सले जवाफी आक्रमणस्वरुप अमेरिकी अड्डामाथि आक्रमण गरेको जानकारी दिएको छ। इरानको सरकारी नजिकको तस्निम समाचार एजेन्सीले यो कारबाहीलाई 'विजयको घोषणा'को रूपमा चित्रण गर्दै विज्ञप्ति जारी गरेको अलजाजीराले उल्लेख गरेको छ। इरानले उक्त हमला अमेरिकाले इरानी आणविक स्थलहरूमा आक्रमण गर्ने चेतावनीपछि चालेको प्रतिक्रिया स्वरूप बताएको छ।