इरानी मिसाइल आक्रमणपछि दोहास्थित नेपाली दूतावासको अपिल : सतर्क रहनुहोस्, यथास्थानमै बस्नुस्

कतारस्थित अमेरिकी सैन्य अड्डामा इरानद्वारा गरिएको मिसाइल आक्रमणपछि दोहामा रहेको नेपाली राजदूतावासले त्यहाँ कार्यरत नेपाली नागरिकहरूलाई सतर्क रहन आग्रह गरेको छ।

सोमबार राति सामाजिक सञ्जाल फेसबुकमार्फत सार्वजनिक सूचना जारी गर्दै दूतावासले हालको सुरक्षा परिस्थितिलाई गम्भीरतापूर्वक लिँदै सबै नेपाली दाजुभाइ तथा दिदीबहिनीहरूलाई शान्त र संयमित रहन र तत्कालका लागि यस्थास्थानमै रहन अनुरोध गरेको हो।