सुकुम्बासीलाई होल्डिङ सेन्टरबाट हटाउन खाना बन्द गर्ने 'निर्मम' तरिका, खरिपाटीमा झन्डै १०० जना भोकभोकै

सुकुम्बासीहरूलाई कुनै विकल्पबिना अन्यायपूर्वक उठिबास लगाएको सरकारले अहिले उनीहरू राखिएको होल्डिङ सेन्टरमा खानासमेत बन्द गरेर अर्को 'निर्मम' र 'अमानवीय' व्यवहार देखाएको छ।

भक्तपुरको चाँगुनारायण नगरपालिका-६, खरिपाटी होल्डिङ सेन्टरमा आश्रय लिइरहेका सुकुम्बासीको सोमबार साँझदेखि खाना बन्द गरिएको हो।