ओमान एयरद्वारा चार देशका उडान स्थगित

काठमाडौँ । कतारमा भएको आक्रमण पछि ओमान एयरले चार देशका उडानहरू अस्थायीरुपमा बन्द गरेको छ ।

एयरले एक सूचना जारी गर्दै पछिल्लो क्षेत्रीय घटनाक्रमलाई ध्यानमा राख्दै मनामा, दुबई, दोहा र कुवेत जाने र त्यहाँबाट फर्किने सबै उडानहरू अस्थायी रूपमा स्थगित गरेको जानकारी दिएको हो । एयरलाइन्सका अनुसार अन्य गन्तव्यतर्फका उडानहरू पनि लामो मार्ग प्रयोग गर्नु पर्ने भएकाले ढिलो हुन सक्ने जनाएको छ।