घरदैलोमै स्वास्थ्य सेवा, हजारौंले पाए उपचार

कपिलवस्तु । स्वास्थ्य सेवा अझै पनि ग्रामीण नेपालका लागि सहज पहुँचको विषय बनेको छैन । मुटु, मिर्गौला वा अन्य जटिल रोगको शंका लाग्दा अधिकांश नागरिकको पहिलो सोच हुन्छ ‘अब शहर जानै पर्छ ।’ दूरी, खर्च र समय—यी तीनवटै बाधाबीच धेरैले उपचार ढिलो गर्छन्, कतिपयले त रोगलाई नियतिका रूपमा स्वीकार्न बाध्य हुन्छन् ।

तर, कपिलवस्तुको बहादुरगञ्जस्थित शिवराज अस्पतालमा आयोजित दुई दिने निःशुल्क बहुविशेषज्ञ स्वास्थ्य शिविरले यही सोचलाई केही समयका लागि भए पनि उल्ट्याइदियो । यहाँ बिरामी शहर पुगेनन्, शहरका विशेषज्ञ चिकित्सकहरू नै गाउँ पुगे ।