इजिप्टका प्रशिक्षक भन्छन्, ‘प्यालेस्टाइनको पीडा महसुस नगर्नेहरू मानव होइनन्’

न्युयोर्क । इजिप्टका मुख्य प्रशिक्षक होसाम हसनले प्यालेस्टाइनप्रति आफ्नो समर्थन पुनः दोहोर्‍याएका छन् । विश्वकपको ऐतिहासिक नकआउट खेलमा जित हात पारेपछि उक्त जित प्यालेस्टाइनी जनताप्रति समर्पित गर्दै त्यहाँको झण्डा फहराएको केही दिनपछि उनले फेरि आफ्नो ऐक्यबद्धता जनाएका हुन् ।

सोमबार आयोजित पत्रकार सम्मेलनमा हसनले अर्जेन्टिना विरुद्ध हुने आगामी अन्तिम १६ को खेलबारे कुरा गर्न छोडेर गाजामा भइरहेको प्यालेस्टाइनी जनताको पीडाका बारेमा भावुक अभिव्यक्ति दिएका थिए ।