चौदण्डीगढी नगरपालिकाको नीति तथा कार्यक्रम पास

उदयपुर । उदयपुरको चौदण्डीगढी नगरपालिकाले १८ औं नगर सभाबाट आर्थिक वर्ष २०८२–०८३ को नीति तथा कार्यक्रम पास गरेको छ । सोमवार नगर सभाहलमा नगर उपप्रमुख मणिकादेवी दुलालले आगामी आर्थिक वर्षको बिनियोजन बिद्येयक प्रस्तुत गरेकी हुन ।

नगर सभाले आगामी आर्थिक वर्षका लागि १ अरब १३ करोड ३५ लाख ६२ रुपैयाको बजेट सार्वजनिक गरेको छ । नगर सभाले विषयगत कार्यालय तथा वडा कार्यालयलाई ६३ करोड ८८ लाख ४ हजार ६ सय, विषयगत शाखा शसर्त ३९ करोड ६९ लाख, संघिय सरकार समपुरक अनुदान १ करोड, आन्तरिक आय ५ करोड १० लाख, प्रदेश सरकार समपुरक ८० लाख, प्रदेश सरकार शसर्त १ करोड ३७ लाख ६४ हजार रहेको जनाएका छन ।