राजस्थानमाथि सनराइजर्स हैदराबादको रोमाञ्चक जित

काठमाडौँ । इन्डियन प्रिमियर लिग अन्तर्गत शनिबार भएको रोमाञ्चक खेलमा सनराइजर्स हैदराबादले राजस्थान रोयल्सलाई ५ विकेटले पराजित गरेको छ । राजस्थानका वैभव सूर्यवंशीको विस्फोटक शतकका बाबजुद हैदराबादले विशाल लक्ष्य सफलतापूर्वक पछ्याएको हो ।

पहिले ब्याटिङ गरेको राजस्थान रोयल्सले निर्धारित २० ओभरमा ६ विकेट गुमाएर २२८ रनको विशाल योगफल तयार पारेको थियो । राजस्थानका लागि वैभव सूर्यवंशीले मात्र ३७ बलमा १०३ रनको उत्कृष्ट शतकीय पारी खेले । त्यस्तै, ध्रुव जुरेलले ३५ बलमा ५१ रन र डोनोभान फरेराले १६ बलमा ३३ रनको योगदान दिए । हैदराबादका लागि ईशान मालिङ्गाले २ विकेट लिए ।