आर्सनलको महत्त्वपूर्ण जित, शीर्षस्थानमा ३ अंकको अग्रता

काठमाडौँ । इङ्लिस प्रिमियर लिग अन्तर्गत शनिबार राति सम्पन्न खेलमा आर्सनलले न्युकासल युनाइटेडलाई १–० गोल अन्तरले पराजित गरेको छ । यो जितसँगै आर्सनलले लिगको शीर्षस्थानमा आफ्नो अग्रतालाई अझ मजबुत बनाएको छ ।

आर्सनलको जितमा एबेरेची एजेले गरेको गोल नै निर्णायक बन्यो । उनले खेलको सुरुवाती नवौँ मिनेटमै गोल गर्दै टोलीलाई महत्त्वपूर्ण अग्रता दिलाएका थिए, जुन खेलको अन्त्यसम्म कायम रह्यो ।