जेनजी आन्दोलनः सत्ता र सडकबारे देवदहमा बहस

काठमाडौँ । देवदहमा ‘जेनजी आन्दोलन, सत्ता र सडक’ विषयमा जेनजी अगुवाहरूबिच छलफल भएको छ । उज्यालो लाल्टिन प्रतिष्ठानले शनिबार आयोजना गरेको कार्यक्रममा जेनजी अभियन्ता रक्षा बम, राष्ट्रिय स्वतन्त्र पार्टीका केन्द्रीय सदस्य प्रदीप ज्ञवाली र पत्रकार पवन पौडेलले बहस गरेका हुन् ।

कार्यक्रममा बोल्दै जेनजी नेतृ बमले आन्दोलनका क्रममा भएको क्षतिको राज्यले अनुसन्धान गर्नुपर्ने माग गरिन् । उनले भदौ २३ को शान्तिपूर्ण आन्दोलनमा राज्यले गोली चलाएको र भदौ २४ मा भएको क्षतिको सत्यतथ्य बाहिर ल्याउनुपर्ने बताइन्। उनले भनिन्, ‘भदौ २३ गतेको शान्तिपूर्ण आन्दोलनमा युवाहरूलाई ताकीताकी राज्यले गोली बर्साएको हो । भदौ २४ मा जेजस्तो क्षति भयो त्यसको पनि अनुसन्धान आवश्यक छ ।’