प्रमुख प्रशासकीय अधिकृत ७२ हजार घुससहित पक्राउ, स्रोत नखुलेको ८३ हजार पनि बरामद

महोत्तरीको सोनमा गाउँपालिकाका प्रमुख प्रशासकीय अधिकृत श्रीदेव यादव घुस रकमसहित रङ्गेहात पक्राउ परेका छन्। अख्तियार दुरुपयोग अनुसन्धान आयोगको टोलीले उनलाई नियन्त्रणमा लिएको हो।

सडक ढलान योजनाको कार्य सम्पन्न भएपछि भुक्तानी गर्ने क्रममा अधिकृत यादवले विभिन्न बहाना बनाई दुःख हैरानी दिँदै सेवाग्राहीसँग घुस मागेको सूचना र उजुरी अख्तियारमा परेको थियो। सोही उजुरीका आधारमा अख्तियार दुरुपयोग अनुसन्धान आयोगको कार्यालय बर्दिवासबाट खटिएको टोलीले उनलाई सेवाग्राहीबाट ७२ हजार रुपैयाँ घुस लिइसकेको अवस्थामा नियन्त्रणमा लिएको हो।