चीनमा दुई अर्ब २० करोड युआन घुस लिने पूर्व अधिकारीलाई मृत्युदण्ड

पूर्वी चीनको जियाङ्सु प्रान्तस्थित नान्जिङ विकास क्षेत्रको प्रशासनिक समितिका पूर्व कार्यकारी उपनिर्देशक याङ योलिनलाई चाङ्झाउ मध्यवर्ती जन अदालतले मृत्युदण्डको सजाय सुनाएको छ।

उनलाई दुई अर्ब २० करोड युआन (३२ करोड ४० लाख अमेरिकी डलर) भन्दा बढी घुस लिएको अभियोगमा दोषी ठहर गर्दै अदालतले यस्तो फैसला गरेको हो। मृत्युदण्डसँगै उनको सम्पूर्ण व्यक्तिगत सम्पत्ति जफत गरिएको छ र उनलाई आजीवन राजनीतिक अधिकारबाट वञ्चित गरिएको छ।