फेसबुकमा स्वास्थ्यमन्त्रीको आलोचना गर्दा पक्राउ परेका स्वास्थ्यकर्मी २० घण्टापछि रिहा

जनकपुरधाम । स्वास्थ्यमन्त्री निशा मेहताविरुद्ध सामाजिक सञ्जालमा आलोचनात्मक टिप्पणी गरेको आरोपमा पक्राउ परेका स्वास्थ्यकर्मी नवेशकुमार यादव (अधिकारी) रिहा भएका छन् ।

जिल्ला प्रहरी कार्यालय धनुषाका प्रवक्ता तथा डीएसपी मधुसूदन न्यौपानेले अधिकारीलाई हिरासतबाट मुक्त गरिएको पुष्टि गर्दै उनीविरुद्ध हालसम्म कुनै ठोस प्रमाण वा औपचारिक उजुरी नपरेकाले सम्झाइबुझाइ छाडिएको बताए । प्रहरीले ‘माथिको आदेश’ मा पक्राउ गरिएको बताएको थियो ।