लस एन्जलसको तालिम केन्द्रमा विस्फोट, कम्तीमा तीन जनाको मृत्यु भएकाे आशङ्का

काठमाडौँ । लस एन्जलस काउन्टी शेरीफ डिपार्टमेन्टको तालिम केन्द्रमा स्थानीय समय अनुसार शुक्रबार बिहान करिब ७ः३० बजे भएको विस्फोटमा कम्तीमा तीन जनाको मृत्यु भएको बताइएको छ। यो घटना पूर्वी लस एञ्जलसस्थित ‘युजिन बिस्कालुज’ तालिम केन्द्रमा भएको हो।

घटनाको कारण हालसम्म स्पष्ट भइसकेको छैन, तर प्रारम्भिक जानकारी अनुसार घटनास्थलमा रहेका बम डिस्पोजल टोलीले विस्फोटक पदार्थ सार्ने क्रममा दुर्घटना भएको आशंका गरिएको छ। तर, अधिकारीहरूले यसबारे औपचारिक पुष्टि गरेका छैनन्।