विश्वकप फुटबल:  न्युजिल्याण्डलाई सुरुवाती अग्रता, दबाबमा इरान

विश्वकप फुटबलको समूह 'जी' अन्तर्गत अमेरिकाको लस एन्जलसमा भइरहेको खेलमा न्युजिल्याण्डले इरान विरुद्ध सुरुवाती अग्रता लिएको छ। खेल सुरु भएको ७ औँ मिनेटमै गोल गर्दै न्युजिल्याण्डले खेलमा १-० को अग्रता बनाएको हो।

न्युजिल्याण्डका लागि 'मडरवेल' बाट व्यावसायिक फुटबल खेल्ने मिडफिल्डर एलिजाह जस्टले उत्कृष्ट गोल गरे। नटिङ्घम फरेस्टका अनुभवी स्ट्राइकर क्रिस उडले बललाई छातीले नियन्त्रणमा लिँदै दिएको सटिक पासलाई जस्टले सदुपयोग गर्दै इरानी गोलकिपर अलिरेजा बेइरानभान्डलाई कुनै मौका दिएनन्।