गहना सफा गरिदिने भन्दै ठगी गरेको आरोपमा दुई जना पक्राउ

उदयपुरको उदयपुरगढी गाउँपालिकामा सुनको गहना सफा गरिदिने भन्दै ठगी गरेको आरोपमा दुई जना पक्राउ परेका छन् । पक्राउ पर्नेमा भारतीय नागरिक गोविन्द साह र सचिन साह छन् ।

दुई भारतीयले ग्रामीण महिलाका सुनको गहना सफा गरिदिने भन्दै लुटपाट गरेको तथा स्थानीय पेसलकुमारी मगर र मनमाया तामाङको घरमा गहना सफा गर्ने बहानामा सुन चोरी गरेको सूचनापछि खटिएको प्रहरीले उनीहरूलाई नियन्त्रणमा लिएको हो ।