उपेन्द्र यादवको आशंका : संघीयता समाप्त पार्ने खेल हुँदैछ

जनता समाजवादी पार्टी (जसपा) का अध्यक्ष उपेन्द्र यादवले सङ्घीयता विरोधी शक्तिहरू फेरि सल्बलाउन थालेको आरोप लगाएका छन् ।

बाराको कलैयामा पार्टीले आयोजना गरेको विस्तारित बैठकलाई सम्बोधन गर्दै पूर्वउपप्रधानमन्त्रीसमेत रहेका यादवले सङ्घीयताका लागि पहलकदमी गर्ने पार्टी खासगरी तत्कालीन मधेसी जनअधिकार फोरम र हाल जनता समाजवादी पार्टीलाई कमजोर पारी मुलुकबाट सङ्घीयता नै समाप्त पार्ने खेल भइरहेको टिप्पणी गरे ।