पेट्रोलियम पदार्थको मूल्य यथावत, उपभोक्तालाई साविककै दरमा इन्धन

काठमाडौँ । नेपाल आयल निगमले पेट्रोलियम पदार्थको साविकको खुद्रा बिक्री मूल्यलाई नै यथावत राख्ने निर्णय गरेको छ। निगमले असार १ गते सोमबार एक प्रेस विज्ञप्ति जारी गर्दै बजारमा कायम रहेको इन्धनको मूल्यमा कुनै फेरबदल नगरी यथावत राखिएको जानकारी दिएको हो।

विगत केही महिनादेखि अन्तर्राष्ट्रिय बजारमा पेट्रोलियम पदार्थको मूल्यमा निरन्तर उतारचढाव आएका कारण स्वचालित मूल्य प्रणाली बमोजिम मूल्य समायोजन हुन नसकेको निगमले स्पष्ट पारेको छ। इण्डियन आयल कर्पोरेसनबाट प्राप्त भएको नयाँ खरिद मूल्य बमोजिम निगम सञ्चालक समितिको असार ०१ को निर्णयानुसार असार २ गते मंगलबार १२ बजेदेखि लागु हुने गरी साविककै खुद्रा बिक्री मूल्यलाई निरन्तरता दिइएको हो।