खानपान: कसरी बनाउने खसीको टाउकोको परिकार

खसीको टाउकाको परिकार रुचाउने पारखी धेरै हुन्छन्। खसीको टाउकोबाट दर्जनौं ब्यञ्जन बनाउन मिल्ने हुँदा यसमा धेरैको चाख जान्छ। खसीको मासुभन्दा टाउकोको मूल्य आधा जस्तो सस्तो पर्ने हुने भएकोले पनि खसी काटेका बेला टाउको पहिल्यै बुक गर्ने धेरै हुन्छन्।

खसीको टाउको केलाउने पनि एक कला हो। यो एक व्यावसायिक रुपमा मासु काट्ने व्यक्तिले मात्र गर्न सक्छ। यस सम्बन्धी ज्ञान नभएका व्यक्तिले खसीको टाउको केलाउँदा बिग्रने डर हुन्छ। टाउकोबाट सबै अङ्ग–अङ्ग छुट्याएर केलाउन सके मात्र यसको मिठास र छुट्टाछुट्टै परिकार तयार गर्न सकिन्छ। नत्र हड्डी, खप्परको झुर्का र दाँत मासुको भागमा मिसिन जान्छ र परिकारहरु खराब हुन्छ।