प्रधानमन्त्रीको हस्तक्षेपपछि डिडिसीमा सुधार अभियान, गुणस्तर कडाइसँगै जिम्मेवार कर्मचारीमाथि कारबाही

काठमाडौं । प्रधानमन्त्री तथा मन्त्रिपरिषद् कार्यालयको निर्देशनपछि दुग्ध विकास संस्थान (डिडिसी) ले दूधको गुणस्तर नियन्त्रणमा कडाइ गर्दै सुधार अभियान सुरु गरेको छ। संस्थानका अनुसार कच्चा दूध खरिददेखि प्रयोगशाला परीक्षणसम्मको प्रक्रिया कडा बनाएपछि दूधको गुणस्तरमा उल्लेखनीय सुधार देखिएको छ।

डिडिसीका महाप्रबन्धक डा. शरणकुमार पाण्डेले प्रधानमन्त्री कार्यालयको निर्देशनपछि शंकास्पद दूधको खेप तत्काल अस्वीकृत गर्ने व्यवस्था लागू गरिएको बताए। साथै, दूध खरिद गर्दा ‘फ्याट’ र ‘एसएनएफ’ (Solid-Not-Fat) सम्बन्धी मापदण्डलाई थप प्रभावकारी बनाइएको र गुणस्तरीय दूधलाई मात्र प्राथमिकता दिइएको उनले जानकारी दिए।