भारतले ब्याजदर ५.२५ प्रतिशतमै कायम राख्यो

नयाँदिल्ली । मध्यपूर्वमा जारी द्वन्द्वका कारण मुद्रास्फीति र भारतीय रुपैयाँमाथि थप दबाब पर्ने जोखिम देखिए पनि भारतको केन्द्रीय बैंक भारतीय रिजर्भ बैंक (आरबीआई) ले नीतिगत ब्याजदर यथावत् राख्ने निर्णय गरेको छ।

आरबीआईले शुक्रबार छ सदस्यीय मौद्रिक नीति समितिको सर्वसम्मत निर्णयअनुसार बेन्चमार्क रेपो दर ५.२५ प्रतिशतमै कायम राखिएको जनाएको हो। रेपो दर वाणिज्यिक बैंकहरूले आरबीआईबाट ऋण लिँदा लागू हुने प्रमुख ब्याजदर हो।