ह्वाट्सएप वेबमा ग्रुप भ्वाइस र भिडियो कल फिचर: अब डेस्कटपबाटै धेरै व्यक्तिसँग कुरा गर्न मिल्ने

एजेन्सी । मेटाको स्वामित्वमा रहेको विश्वकै लोकप्रिय मेसेजिङ प्लेटफर्म ह्वाट्सएपले आफ्ना प्रयोगकर्ताहरूका लागि एउटा विशेष फिचर सार्वजनिक गरेको छ ।

ह्वाट्सएपले अब आफ्ना वेब र डेस्कटप प्रयोगकर्ताहरूका लागि आधिकारिक रूपमा ‘ग्रुप भ्वाइस र भिडियो कलिङ’ सुविधा सार्वजनिक गरेको छ। यसअघि ह्वाट्सएपको डेस्कटप भर्सनमा व्यक्तिगत रूपमा मात्र कल गर्न सकिने सीमितता थियो, तर यो नयाँ अपडेटसँगै प्रयोगकर्ताहरूको लामो समयदेखिको प्रतीक्षा समाप्त भएको छ।