कर्णालीमा विकासका लक्ष्यहरू हासिल गर्न मुस्किल, खुम्चिँदो आर्थिक अवस्था

सुर्खेत । कर्णाली प्रदेश सरकारले औपचारिक रूपमै विकासका अपेक्षित लक्ष्य हासिल गर्न नसकिएको स्वीकार गरेको छ । अर्थमन्त्री राजीवविक्रम शाहले सोमबार अगामी आर्थिक वर्षको बजेट वक्तव्यमार्फत नै प्रदेशका चुनौती उल्लेख गरेका हुन् ।

जसमा भौगोलिक विकटता, दक्ष जनशक्तिको अभाव, निर्माण सामग्रीको कमी र महँगो विकास लागत लगायतका कारण कार्यान्वयनमा रहेका र नयाँ आयोजनाहरू समेत कार्यतालिका अनुसार समयमै सम्पन्न गर्न नसक्दा विकासका अपेक्षित लक्ष्यहरू हासिल गर्न चुनौती सिर्जना भएको उल्लेख छ ।