सरकारले ल्याएको अध्यादेशका कारण यस वर्ष नहुने भयो ‘ललितकला प्रदर्शनी’

२३ असार, काठमाडौं । नेपाली ललितकला क्षेत्रको उत्सव मानिने ‘राष्ट्रिय ललितकला प्रदर्शनी’ यस वर्ष नहुने भएको छ । नेपाल ललितकला प्रज्ञा प्रतिष्ठानले आज एक सूचना जारी गर्दै यसबारे जानकारी दिएको हो ।

नेपाल ललितकला प्रज्ञा प्रतिष्ठानमा कुलपतिसहित सबै प्राज्ञपरिषद सदस्यको पद खाली भएको र नयाँ नियुक्ति नभएकाले यस वर्ष प्रदर्शनी नहुने भएको सूचनामा भनिएको छ । यसको मुख्य कारण नयाँ सरकार बनेपछि यसले ल्याएको केही नेपाल ऐनलाई संशोधन गर्न बनेको अध्यादेश हो ।