दुई पटकको अग्रता जोगाउन नसक्दा इरानसँग रोकियो न्युजिल्यान्ड

काठमाडौं । फिफा विश्वकप २०२६ को आफ्नो पहिलो खेलमा दुई–दुई पटक स्पष्ट अग्रता बनाएर पनि न्युजिल्यान्डले जित दर्ता गर्न सकेन। अमेरिकाको क्यालिफोर्नियास्थित लस एन्जलस स्टेडियममा मङ्गलवार बिहान सम्पन्न खेलमा न्युजिल्यान्ड र इरान २–२ गोलको बराबरीमा रोकिएका हुन्।

खेलमा न्युजिल्यान्डले सुरुवाती समयदेखि नै आक्रामक खेल प्रदर्शन गर्दै इरानलाई दबाबमा राखेको थियो। उत्कृष्ट रणनीतिका साथ मैदान उत्रिएको न्युजिल्यान्डले खेलमा दुई पटकसम्म स्पष्ट अग्रता लिन सफल भएको थियो।

तर, जुझारू खेल पस्किएको इरानले दुवै पटक सानदार पुनरागमन गर्दै खेललाई बराबरीमा ल्यायो। न्युजिल्यान्डको रक्षापङ्क्तिमा देखिएको केही कमजोरीको फाइदा उठाउँदै इरानी स्ट्राइकरहरूले गोल फर्काएपछि न्युजिल्यान्ड ऐतिहासिक जित निकाल्नबाट चुक्यो।

यो बराबरीसँगै विश्वकपको समूह चरण अन्तर्गत आफ्नो पहिलो खेलबाट दुवै टोलीले समान १–१ अङ्क बाँडेका छन्।