जुम्लामा ठेउलाको प्रकोप : चन्दननाथका विद्यालय बन्द

जुम्लाको चन्दननाथ नगरपालिका भित्रका विद्यालयमा ठेउलाको संक्रमण तीव्र रूपमा फैलिन थालेपछि नगरपालिका पाँच दिनका लागि विद्यालय बन्द गर्न बाध्य भएको छ।

बालबालिकामाझ देखिएको संक्रमण समुदायस्तरसम्म फैलिने जोखिम बढेपछि चन्दननाथ नगरपालिकाले सामुदायिक तथा संस्थागत सबै विद्यालय बन्द गर्ने निर्णय गरेको हो। चन्दननाथ नगरपालिका स्वास्थ्य शाखाको सिफारिसका आधारमा नगरपालिकाले सूचना जारी गर्दै असार २ गतेदेखि असार ५ गतेसम्म विद्यालय बन्द रहने जनाएको छ।