सहकारीद्वारा डेरीजन्य उत्पादन बिक्री

चितवन समाचारदाता

चितवन, असार २ गते । चितवन जिल्ला दुग्ध उत्पादक सहकारी सङ्घ लिमिटेडले आफ्नै उद्योग स्थापना गरी उत्पादन गरेको डेरीजन्य सामग्री मार्टमार्फत प्रत्यक्ष रूपमा बिव्रmीवितरण गर्न थालेको छ ।

बजारमा उपलब्ध डेरीजन्य उत्पादनको गुणस्तरप्रति उपभोक्ताबाट गुनासो आउन थालेपछि शुद्ध तथा गुणस्तरीय उत्पादन उपलब्ध गराउने उद्देश्यले सङ्घले उद्योग स्थापना गरी बिव्रmीवितरण सुरु गरेको हो ।

पूर्वी चितवनको रत्ननगर नगरपालिका–५ मा सञ्चालित उद्योगबाट उत्पादन हुने दुध, दही, पनिर, खुवा, पुस्टकारी, बटर, चिज, गुँदपाकलगायतका सामग्री भरतपुरका तीन स्थानमा सञ्चालनमा रहेका मार्टमार्फत बिक्री हुँदै आएको छ ।

सङ्घका अध्यक्ष किशोर बगालेले बजारमा भारतीय तथा अन्य जिल्लाबाट आउने केही डेरीजन्य उत्पादनको गुणस्तरबारे उपभोक्ताले प्रश्न उठाएपछि सहकारीले उत्पादन गरी बिव्रmी गर्ने अवधारणा अघि बढाएको बताउनुभयो । “हामीले आफ्नै उत्पादन र डेरीजन्य सामग्री मात्र बिव्रmी गर्दै आएका छौँ,” उहाँले भन्नुभयो, । “सङ्घले हाल रत्ननगरमा भाडाको भवनबाट उद्योग सञ्चालन गरिरहेको भए पनि भरतपुर महानगरपालिका–१५, फूलबारीमा आफ्नै जग्गामा आधुनिक उद्योग भवन निर्माणको काम अघि बढाइरहेको अध्यक्ष बगालेले जानकारी दिनुभयो ।

सङ्घले दुग्ध उत्पादन वृद्धि गर्न किसानकेन्द्रित विभिन्न कार्यव्रmमसमेत सञ्चालन गर्दै आएको छ । गाईभैँसीमा देखिने बाँझोपन समस्या न्यूनीकरणका लागि गोठ सुधार, पशु स्वास्थ्य सेवा, चिकित्सकीय परामर्श तथा प्राविधिक सहयोग प्रदान गरिँदै आएको उहाँले बताउनुभयो ।

यसका साथै बहुवर्षीय घाँसका बिरुवा वितरण, होलिस्टिन साँढे उपलब्ध गराउने, कृत्रिम गर्भाधानसम्बन्धी तालिम सञ्चालन गर्नेलगायतका कार्यव्रmममार्फत किसानलाई सहयोग पु¥याइएको छ ।

अध्यक्ष बगालेका अनुसार जिल्लामा ११५ वटा दुग्ध उत्पादक सहकारी संस्था सव्रिmय छन् । ती संस्थामार्फत दैनिक करिब तीन लाख ५० हजार लिटर दुध उत्पादन हुँदै आएको छ । उत्पादन भएका दुध काठमाडौँ, पोखरालगायतका प्रमुख बजारमा बिव्रmीवितरण हुँदै आएको छ भने चितवनकै बजारमा पनि उल्लेख्य मात्रामा खपत हुने गरेको छ ।

काठमाडौँ पठाइने दुधको भुक्तानी समयमै प्राप्त नहुँदा किसान र सहकारी दुवै प्रभावित बनेका छन् । बिव्रmी गरेको दुधको रकम लामो समयसम्म नपाउने समस्या बढेपछि सङ्घले मूल्य अभिवृद्धि हुने डेरीजन्य सामग्री उत्पादन गरी आफैँ बजार व्यवस्थापन गर्ने रणनीति अवलम्बन गरेको जनाएको छ ।