बेरोजगारीले परदेशै प्यारो

दुबईका चोक चोकमा नेपाली भेटिन्छन्। तिनमा स्वदेश फिर्नभन्दा तेस्रो देश छिर्न खोज्नेको संख्या थपिंदो छ।

मंसीर २२ को मध्यराति काठमाडौंबाट फ्लाई दुबईको बोइङ उडेको केही समयपछि विमान परिचारिका यात्रुका हातमा ‘लन्च बक्स’ थमाउन थालिन्। अनि सोध्दै गइन्, “चिया कि कफी?” दुबई-काठमाडौं रूटका विमान प्रायः नेपाली कामदारले भरिन्छन्। तिनैको संगतले शायद उनले यी नेपाली शब्द थाहा पाइन्। अंग्रेजी नआउनेलाई बुझ्न सहज होस् भनेर आफ्नै यत्नले पो सिकिन् कि!