काममा ढिलासुस्ती गर्ने २० निर्माण कम्पनीलाई सात दिने अल्टिमेटम

काठमाडौं – सार्वजनिक खरिद अनुगमन कार्यालयले तोकिएको जिम्मेवारी पूरा गर्न नसकेका २० निर्माण कम्पनीलाई कालोसूचीमा राख्ने प्रक्रिया अघि बढाएको छ। विभिन्न सार्वजनिक निकायबाट काममा ढिलासुस्ती तथा लापरबाही गरेको भन्दै सिफारिस आएपछि सात दिनको अल्टिमेटम दिँदै कार्यालयले आवश्यक कारबाही प्रक्रिया थालेको हो।

कार्यालयले यसअघि सम्बन्धित कम्पनीहरूलाई ३० दिनभित्र लिखित स्पष्टीकरण पेश गर्न आग्रह गरेको थियो। तर, निर्धारित अवधिभित्र कुनै जवाफ नआएपछि पुनः सात दिनको अन्तिम म्याद दिँदै स्पष्टीकरण माग गरिएको छ।