बीपी राजमार्गमा बनाइयो नयाँ ट्र्याक : १० दिनभित्र सवारी सञ्चालन गरिने

काठमाडौं । बीपी राजमार्गको मर्मत तथा पुनर्निर्माणअन्तर्गत चुनौतीपूर्ण मानिएको काभ्रेको चार सय बेँसीखण्डको नयाँ ट्र्याक आउँदो १० दिनभित्र सञ्चालनमा ल्याइने भएको छ । प्रतिनिधिसभाअन्तर्गतको पूर्वाधार विकास समितिका सभापति एवं राष्ट्रिय स्वतन्त्र पार्टी (रास्वपा)का सांसद आशिष गजुरेलले उक्त क्षेत्रको स्थलगत अनुगमन गरी निर्माण कार्यको प्रगतिबारे जानकारी दिएका हुन् ।

हाल उक्त खण्डमा सवारीसाधन तलको डाइभर्सन (वैकल्पिक मार्ग)बाट गुडिरहेका छन् । माथिल्लो मुख्य ट्र्याक तयार भइसकेको भए पनि निर्माण कार्यमा अवरोध नपुगोस् भन्ने उद्देश्यले सर्वसाधारणका निम्ति पूर्ण रूपमा खुला गरिएको छैन ।