२ दिनदेखि फेसबुक पेज गायब भएपछि डा. बाबुराम भट्टराई भन्छन्- ‘के कारणले हो मलाई नै थाहा छैन’

काठमाडौँ । पूर्वप्रधानमन्त्री डा. बाबुराम भट्टराईको आधिकारिक फेसबुक पेज आइतबारदेखि गायब भएको छ । १५ लाखभन्दा बढी फलोअर रहेको उक्त पेज फेसबुकमा नदेखिएपछि उनी र उनको सचिवालय नै अन्योलमा परेका छन् ।

आफ्नो आधिकारिक पेज अचानक बन्द भएपछि डा. भट्टराईले आफूलाई समेत यसको ठोस कारण थाहा नभएको बताएका छन् । टेकपानासँग कुरा गर्दै उनले पेज गायब हुनुको कारणबारे अनभिज्ञता प्रकट गरे । “पेज किन बन्द भयो, मलाई नै थाहा छैन,” उनले भने ।