माछापुच्छ्रे गाउँपालिकाको प्रशासकीय भवन तयार

कास्की । कास्कीको माछापुच्छ्रे गाउँपालिकाको सुविधा सम्पन्न प्रशासकीय भवन निर्माण सम्पन्न भएको छ । पालिकाको केन्द्र लाहाचोकस्थित सानोपाटन (साहुथर) मा १० रोपनी जमिनमा गाउँपालिकाले प्रशासकीय भवन निर्माण गरेको हो ।

गाउँपालिकाले सोमबारदेखि नवनिर्मित भवनबाट सेवा दिन सुरु गरेको प्रमुख प्रशासकीय अधिकृत केशव सुवेदीले जानकारी दिए । उनका अनुसार सुविधा सम्पन्न भवनमा पालिकाको सेवा सरेसँगै सेवाप्रवाहमा सहज हुने विश्वास गरिएको छ ।